Un ensaio fotográfico desenvolvido en clave case literaria que discorre por un Marruecos contemporáneo.
O fotógrafo Alfredo Cáliz non presenta un Marruecos conxelado no tempo, revestido dos estereotipos, senón que as súas fotografías son reflexo da súa experiencia persoal, unha experiencia crítica que lle permite modificar o xeito de aproximar os temas e obrígalle a reflexionar sobre as solucións formais necesarias para representalos.
A exposición reúne máis de cincuenta instantáneas en branco e negro sobre o país veciño. As imaxes, produto das quince viaxes que o fotógrafo realizou nos dez últimos anos, mostran a vida de traballadores, novos, pícaros, campesiños, mulleres e anciáns. Inaugurada na sé da Fundación Tres Culturas en Sevilla, a exposición presentouse en Madrid e Barcelona, dentro de España e en Marruecos, en Tetuán, Tánger e Rabat.