ExpopUp é unha asociación artística e cultural que xorde coa finalidade de incentivar e apoia-la difusión de planeamentos e contidos culturais a través do formato expositivo.

As Exposicións parecen pensadas, hoxe en día, para os grandes focos culturais. Son mostras de altísimo presuposto, deseñadas para un espazo concreto e que se destrúen cando remata o período expositivo. Así, atopámonos cunha carencia de oferta expositiva interesante e alcanzábel para o resto de poboacións que queren achegar unha axenda cultural de calidade.

Creada por deseñadores e profesionais da comunicación, en colaboración con comisarios e investigadores, ExpopUp ten como obxectivo primordial conseguir con estas mostras itinerantes unha ampla difusión e asistencia, chegando así a localidades que non teñen posibilidade de acoller unha gran oferta expositiva.