A exposición consta de dúas zonas:
A primeira delas, de carácter visual e informativo, achéganos ó mundo dos “pop-up” a través de catro seccións (Breve Historia dos Pop-up, Autores recoñecidos internacionalmente, Clases de Pop-up e Grandes Clásicos). Nesta primeira parte poderemos contemplar espectaculares libros orixinais nun total de 30 vitrinas, mentres que se recolle a parte informativa en oito tótems de 2mx40cm.
A segunda zona, de carácter lúdico e interactivo, componse de catro reproducións a escala dalgúns dos libros que podemos encontrar na exposición. A creación de estruturas xigantes con principios mecánicos e deseñadas para ser manipuladas polo público, constitúe un dos maiores atractivos da exposición.
