ExpopUp elkarte artistiko eta kulturala da. Jaio zenetik, erakusketa-formatuaren bidez planteamendu eta edukin kulturalen hedapena sustatu eta laguntzeko xedea eduki du.

Gaur egun, erakusketek foko kultural handientzat pentsatuta dirudite.  Aurrekontu altuegia dute, espazio zehatz batean kokatzeko diseinatuta daude eta erakustaldia bukatzean suntsitu egiten dira. Beraz, ez dago kalitatezko kultur agenda bat eduki nahi duten gainontzeko herrientzako erakusketa interesgarri eta eskuragarrien eskaintzarik.

Diseinatzaile eta komunikazio profesionalek sortua, komisario eta ikerlari batzuekin elkarlanean, ExpopUp-ek erakusketa hauekin duen helburua hedapen eta bertaratze zabala lortzea da, modu honetan, erakusketa-eskaintza handia lortzeko posibilitaterik ez duten herrietara ailegatuz.